2005-04-03 - 9:50 p.m.
呢排收到好多BU email 0既一d人send d 問卷呀之如此類過黎，講緊既係唔止comm人咁做，冇端端可以有一d 讀Marketing 0既人唔知去邊度搵到咁大個list，然後send 呢d email 俾所有人。 如果我識你0既，我一定會幫手做，eg Steven 芯Carey阿TA等等，仲有d Year 2 0既dramsoc 人。甚至乎有d 點頭之交，我都會填下問卷。 但其他三唔識七，唔該，我唔識你地，我覺得你地咁樣隨意send 野俾人，係好唔尊重人，而且好冇禮貌。仲要係唔知邊度搵到咁大個list，我覺得你地d 手法唔係咁正當囉！Comm人都仲有本directory，我都知你地點搵到我地。如果d人係將條link send 俾我，好，都算喇，有時我仲會幫d人做添。 但係呢幾日都收到果d Marketing 0既year 3 學生為左做hon pro，將幾多份幾百kb 0既word document attached 埋send 俾所有人，呢d 唔單止已經係唔尊重，已係可以係不擇手段之餘再加上唔considerate。你諗下如果有好多你唔識0既人日日都send 一大堆好大memory數0既野俾你，而你個email acct 得10mb，仲要有好多重要file + 要接收唔少自己assignment 同自己affairs 0既野，你地會點諗？ 我真係睇唔過眼，本來都諗住算，delete 左佢就算，但係今日又收到2封，仲要有d reply all 0既無聊「加油」說話，又attach一大堆野，都唔知係做完問卷又attach send to all 定係又一份新野。你地知唔知咁做好擾民架？ 本來好想投訴，但真係唔知應該同邊度complain。我決定reply all，希望其他人都唔好咁做。 但竟然我反而俾番一條友鬧番轉頭，話我唔應該reply all囉！ 而家係邊個擾民呀？ 痴Q線！真係慶到癲！我冇你咁蠢，亦都冇咁蠢唔識分咩係reply 咩係reply all，我只想所有人唔好做到好過份，學下尊重人。
